Libri përfshin tregime nga mitologjia, antikiteti, mesjeta dhe periudha moderne, si dhe rituale dhe tradita të pasura kulturore. Mes historive të shumta dhe unike janë Mbretëresha e Deteve Teuta, Mbreti Gent dhe lulja çudibërëse, vera ilire Baliska, rruga historike Via Egnatia dhe Maximus, si dhe tregime mbi mbijetesën e shqiptarëve si Legjenda e Grykës së Vajës, apo rituale si Beja mbi Gur dhe Udha e Krushqve.

Çdo histori shoqërohet me kontekstin historik dhe mesazhet e saj në ditët e sotme, duke i bërë këto vlera të shqiptarëve më të prekshme dhe më të kuptueshme për brezat e rinj.

Botimi është i përgatitur në dy gjuhë dhe synon të ruajë dhe promovojë identitetin kulturor shqiptar.

Ky projekt u realizua nga Prof. asoc. dr. Marenglen KASMI Prof. asoc. dr. Belisa MUKA Prof. asoc. dr. Andi PINARI, duke sjellë një kontribut të rëndësishëm në dokumentimin dhe promovimin e trashëgimisë jomateriale shqiptare.

Ai u prezantua gjatë një tryeze me titull: “Fuqia e tregimtarisë në trashëgiminë jomateriale”, ku ishin të pranishëm; përfaqësuesi i Delegacionit të BE në Shqipëri, z. Andrea Ferrero, zv. ministrja e Turizmit, Kulturës dhe Sportit, znj. Lira Pipa, etnografja e njohur Afërdita Onuzi, Elenita Roshi, Drejtore e Muzeut Historik Kombëtar dhe ekspertë e grupe të ndryshme interesi.

Këto histori frymëzuan edhe qindra artistë nga e gjithë Shqipëria, të cilët sollën idetë e tyre për prodhime artistike, nga të cilat u përzgjodhën 15 prej tyre.

The post Botimi i “Heritage is Our Brand” sjell 40 histori unike të trashëgimisë sonë kulturore appeared first on Destination Management Organization.

Në këtë aktivitet do të marrin pjesë studiues, profesionistë të kulturës, politikbërës dhe praktikues për të reflektuar mbi rolin e Tregimtarisë në mbrojtjen dhe promovimin e trashëgimisë jomateriale të Shqipërisë. Aktiviteti do të nxjerrë në pah rezultatet e projektit, përfshirë studimin e 40 tregimeve që pasqyrojnë tradita të gjalla, rite dhe dijebërjen lokale në rajone të ndryshme të vendit.

Diskutimi do të theksojë rëndësinë e tregimtarisë si një urë midis historisë dhe shoqërisë bashkëkohore, një mjet i fuqishëm për të angazhuar të rinjtë, mësuesit, turistët dhe komunitetet lokale në kuptimin dhe vlerësimin e trashëgimisë kulturore.

Pjesëmarrësit do të eksplorojnë gjithashtu mënyrat se si këto Histori do të mund të integrohen në shprehjen artistike, në vendet arkeologjike dhe në nismat e turizmit kulturor, duke kontribuar në një qasje më të pasur, gjithëpërfshirëse dhe të qëndrueshme ndaj interpretimit dhe promovimit të trashëgimisë jomateriale.

Kjo tryezë diskutimi do të mbledhë pjesëmarrës nga Ministria e Turizmit, Kulturës dhe Sportit, Akademia e Shkencave, institucionet e kulturës, si dhe përfaqësues nga universitetet, media, artistë, organizata kulturore dhe sektori i turizmit.

Agenda. Heritage is Our Brand. Roundtable.30.10.2025

The post Fuqia e Tregimtarisë në Ruajtjen e Trashëgimisë Jomateriale appeared first on Destination Management Organization.

Thirrja për aplikimi u hap më 8 shtator 2025 dhe vijoi përmes 3 sesioneve informuese, në Tiranë më 18 shtator, në Shkodër më 24 shtator dhe përfundoi në Korçë më 30 shtator 2025.

Kjo thirrje për propozime ka patur interes shumë të lartë nga artistë dhe individë të apasionuar pas historisë, kulturës dhe trashëgimisë tonë shpirtërore.

Janë rreth 238 aplikime nga e gjithë Shqipëria, ide dhe krijime autentike që ata kanë sjellë në formë artistike, të frymëzuar nga historitë që ka prodhuar projekti ynë “Heritage is Our Brand” në platformën www.albaniaheritage.com

Por siç ju kemi informuar hap pas hapi që në hapjen e thirrjes për propozime për grantet, vetëm 15 prej gjithë këtyre krijimtarive do të financohen nga projekti.

Skema e granteve të vogla do të financojë 15 nisma kreative, secila me 4 mijë euro, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Interesi i madh për rikthim të traditave, për krijimtari artistike mbi këtë temë të shërbejë si një thirrje për autoritetet tona dhe donatorë të investojnë më shumë në kulturën dhe trashëgiminë, si elemente që na identifikojnë, na lidhin me të kaluarën dhe na udhëheqin drejt së ardhmes.

15 fituesit do të shpallen më 1 Dhjetor 2025.

The post Përfundoi aplikimi për grantet, fituesit do të shpallen më 1 Dhjetor appeared first on Destination Management Organization.

Sesioni i parë informues do të zhvillohet në Tiranë më 18 shtator 2025, ora 11:00 te Libraria Times.

Ky sesion synon të informojë artistë të rinj, krijues kulture, profesionistë të trashëgimisë, mësues, historianë, kuratorë, menaxherë kulturorë dhe organizata të shoqërisë civile mbi mundësitë që ofron thirrja për propozime e kësaj skeme.

Pjesëmarrësit do të njihen me thirrjen për propozime të skemës së granteve të vogla, kriteret e pranueshmërisë, procesin e dorëzimit të aplikimeve, vlerësimin si dhe informacion të përgjithshëm mbi projektin.

Skema e granteve të vogla do të financojë 15 nisma kreative, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Idetë dhe propozimet tuaja artistike duhet të bazohen në një nga këto histori Stories – Albania Heritage

Linku i aplikimit gjendet https://albaniaheritage.com/grants/. Afati i aplikimit është 15 Tetor 2025

Ejani të njiheni me thirrjen për skemën e granteve! Më poshtë keni agjendën e sesionit të parë informues që zhvillohet në Tiranë.

Ftesë + Agjendë_Tirana

The post Sesioni i parë informues në Tiranë mbi skemën e granteve të projektit “Heritage is Our Brand” appeared first on Destination Management Organization.

Kjo thirrje për aplikime fton nisma krijuese dhe kulturore, që shndërrojnë trashëgiminë kulturore jomateriale në shprehje artistike dhe vizuale duke përdorur metoda bashkëkohore. Propozimet duhet të marrin frymëzim nga historitë kulturore të zhvilluara nga projekti “Heritage is our brand”, “Trashëgimia na dallon”.

Aplikuesit inkurajohen jo vetëm të shndërrojnë në mënyrë krijuese këto narrativa kulturore në vepra arti apo forma vizuale, por gjithashtu të angazhojnë publikun në mënyra domethënëse, duke nxitur ndërgjegjësimin, vlerësimin dhe reflektimin kritik mbi trashëgiminë jomateriale në shoqërinë bashkëkohore.

Skema e granteve të vogla është krijuar për të fuqizuar dhe mbështetur një grup të larmishëm aktorësh, që janë aktivisht të angazhuar në fushën e trashëgimisë kulturore. Kjo thirrje u drejtohet:

1. Artistëve të rinj, krijuesve dhe praktikuesve kulturorë (të moshës 18–29 vjeç) në prodhimin e veprave të reja, që kontribuojnë në kuptimin më të gjerë të trashëgimisë jomateriale dhe identitetit;
2. Ekspertëve në fushën e kulturës. Kjo kategori përfshin historianë, artistë, edukatorë, kuratorë, studiues dhe menaxherë kulturorë me njohuri të thelluara në trashëgiminë kulturore;
3. Organizatave të shoqërisë civile (OSHC) dhe shoqatave kulturore, që veprojnë në fushën e trashëgimisë kulturore dhe luajnë një rol kyç në nxitjen e nismave kulturore me bazë komunitare.

Ju lutem referohuni paketës së dokumentacionit të thirrjes si vijon:Thirrje për Propozime – Trashëgimia na dallon – Albania Heritage

Aplikimi i përfunduar duhet të dërgohet në info@dmoalbania.al brenda afatit; më 15 tetor 2025, ora 23:59 CET.

The post Hapet thirrja për Grante për Trashëgiminë Kulturore Jomateriale appeared first on Destination Management Organization.

Historitë janë përgatitur nga studiues dhe ekspertë të fushës së historisë, arkeologjisë dhe etnografisë dhe përmbledhin legjenda, rrëfenja, tradita dhe ngjarje që formësojnë identitetin shqiptar.

Që nga qyteti i lashtë i Antigonesë, i njohur si simbol i dashurisë dhe dhimbjes, deri te miti i Kadmit që e lidh Ilirinë me botën mitike, çdo histori sjell një copëz të rrënjëve tona.

Në fokus janë edhe figura historike dhe mitike si Mbreti Gent dhe lulja çudibërëse, besimet e lashta ilire, Nymfeu i Apolonisë, Via Egnatia, por edhe elementë mitikë si Dragoi e Kulshedra te Gjama e burrave, Flija, fyejt e Gramshit dhe Kulla e ngujimit, të gjitha këto si gurë të çmuar në mozaikun e trashëgimisë kombëtare.

Projekti sjell gjithashtu rrëfime për vende me rëndësi historike dhe mitike si mali i Tomorrit, ishulli i Sazanit, varret shkëmbore të Selcës, Ulpiana (Iustiniana Secunda) dhe kodikët e Beratit, duke krijuar një urë të fuqishme mes së shkuarës dhe së tashmes.

Historitë përmbyllen me figurën e Nënë Terezës, si simbol i dashurisë universale me rrënjë shqiptare, dhe me konceptin e “Nënës Shqipëri”, që mishëron ndërgjegjen kombëtare dhe kujtesën kolektive.

Përmes lojërave popullore, artizanatit dhe kulinarisë tradicionale shqiptare, tregohet gjithashtu se çdo aspekt i jetës tonë ka një histori për të treguar.

Kjo është Shqipëria e legjendave, trashëgimisë, shpirtit të pamposhtur dhe mikpritjes që nuk shuhet kurrë dhe që i ka mbijetuar stuhive, luftrave shekullore.

The post Heritage is our brand” – 40 histori në mozaikun e identitetit shqiptar appeared first on Destination Management Organization.

Në pyetësorin ku u përfshinë mbi 1,000 të rinj nga të 12 qarqet e vendit, të moshës nga 16 deri në 33 vjeç, u vlerësuan njohuritë, perceptimet dhe angazhimi i tyre në ruajtjen e traditave kulturore si këngët, vallet, dialektet dhe artizanati. Sipas rezultatit 95% e tyre pasqyron angazhimin dhe interesin në ruajtjen dhe promovomin e kësaj trashëgimie.

Një pjesë e të rinjve nuk dallojnë mirë përkufizimin e trashëgimisë jomateriale nga ajo materiale, duke evidentuar nevojën për edukim më të gjerë.

Një pjesë e të anketuarve gabimisht identifikuan vendet arkeologjike si trashëgimi jomateriale, duke treguar njëfarë konfuzioni midis fushave të prekshme dhe jomateriale.

Vetëm 58.7% e të anketuarve i njohën të gjitha kategoritë e trashëgimisë kulturore jo materiale, ndërsa 41.3% zgjodhën përkufizime të pasakta, duke treguar nevojën për ndërgjegjësim më të gjerë.

Shumica e të rinjve kërkojnë integrim më të thellë të trashëgimisë në kurrikulat shkollore, por vetëm pak prej tyre marrin pjesë në aktivitete kulturore brenda shkollave.

Familja dhe ngjarjet lokale mbeten burime kryesore të transmetimit të traditave. Përdorimi i mediave sociale për të nxjerrë në pah dhe për të mësuar për trashëgiminë jomateriale po rritet, megjithëse platforma dedikuar për këtë fushë janë ende pak të njohura.

Të dhënat tregojnë se shumica dërrmuese e të rinjve të anketuar aktualisht banojnë në Shqipëri (92.3%), ndërsa 7.7% jetojnë jashtë vendit.

Pjesa më e madhe e të anketuarve jetojnë në Tiranë me 57.9%, ndërsa rajoni Jugor përbën 24.3%, ndërsa rajoni Verior përfaqëson vetëm 17.8%.

Rezultatet tregojnë gjithashtu se këngët, vallet dhe dialektet janë format më të njohura, ndërsa artizanati mbetet më pak i njohur.

64% e të rinjve njohin si trashëgimi jo materiale këngët dhe vallet tradicionale, 58% e tyre njohin dialektet, 51% përrallat dhe legjendat dhe vetëm 27% e njohin artizanatin.

Të rinjtë kanë njohuri për K’cimin e Tropojës dhe isopolifoninë që janë tashmë pjesë e UNESCO-s, ndërkohë që më pak njohuri kanë shfaqur për Xhubletën dhe Transhumancën, të cilat nuk njihen, edhe në rajonet e tyre të origjinës.

Në bazë të gjetjeve, raporti rekomandon rritjen e përpjekjeve institucionale për të integruar trashëgiminë në arsimin formal dhe informal, si dhe për të përforcuar rolin e komuniteteve dhe organizatave rinore.

Ky studim vjen në kohën kur Shqipëria përparon drejt integrimit në Bashkimin Evropian dhe thekson rëndësinë e ruajtjes së trashëgimisë kulturore jomateriale si një pasuri kombëtare dhe ndërkombëtare.

Rezultatet e pyetësorit i gjeni në këtë link: https://dmoalbania.al/wp-content/uploads/2025/06/survey-heritage-is-our-brand.pdf

The post Publikohen rezultatet e pyetësorit “Heritage is Our Brand” appeared first on Destination Management Organization.