Thirrja për aplikimi u hap më 8 shtator 2025 dhe vijoi përmes 3 sesioneve informuese, në Tiranë më 18 shtator, në Shkodër më 24 shtator dhe përfundoi në Korçë më 30 shtator 2025.

Kjo thirrje për propozime ka patur interes shumë të lartë nga artistë dhe individë të apasionuar pas historisë, kulturës dhe trashëgimisë tonë shpirtërore.

Janë rreth 238 aplikime nga e gjithë Shqipëria, ide dhe krijime autentike që ata kanë sjellë në formë artistike, të frymëzuar nga historitë që ka prodhuar projekti ynë “Heritage is Our Brand” në platformën www.albaniaheritage.com

Por siç ju kemi informuar hap pas hapi që në hapjen e thirrjes për propozime për grantet, vetëm 15 prej gjithë këtyre krijimtarive do të financohen nga projekti.

Skema e granteve të vogla do të financojë 15 nisma kreative, secila me 4 mijë euro, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Interesi i madh për rikthim të traditave, për krijimtari artistike mbi këtë temë të shërbejë si një thirrje për autoritetet tona dhe donatorë të investojnë më shumë në kulturën dhe trashëgiminë, si elemente që na identifikojnë, na lidhin me të kaluarën dhe na udhëheqin drejt së ardhmes.

15 fituesit do të shpallen më 1 Dhjetor 2025.

The post Përfundoi aplikimi për grantet, fituesit do të shpallen më 1 Dhjetor appeared first on Destination Management Organization.

Pjesëmarrës të shumtë në këtë sesion nga ky qark u njohën në detaje me propozimet, kriteret e pranueshmërisë, procesin e aplikimit dhe vlerësimit, si edhe informacione të detajuara mbi projektin.

Skema e granteve të vogla do të financojë 15 nisma kreative, secila me 4 mijë euro, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Idetë dhe propozimet artistike duhet të bazohen në një nga këto histori Stories – Albania Heritage

Linku i aplikimit gjendet https://albaniaheritage.com/grants/. Afati i aplikimit: 15 Tetor 2025.

The post Sesioni i fundit informues mbi skemën e granteve të projektit “Heritage is Our Brand” në Korçë appeared first on Destination Management Organization.

Rreth 60 pjesëmarrës, artistë, aktorë, kuratorë, mësues, muzikantë, ekspertë të trashëgimisë kulturore dhe organizata kulturore ishin të pranishëm më 18 shtator 2025, ora 11:00 te Libraria Times në kryeqytet.

Ata u njohën nga afër me mundësitë që ofron thirrja për propozime e kësaj skeme si; kriteret e pranueshmërisë, procesin e dorëzimit të aplikimeve, vlerësimin si dhe informacion të përgjithshëm mbi projektin.

Skema e granteve të vogla do të financojë 15 nisma kreative, secila me 4 mijë euro, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Pas Tiranës sesioni i dytë informues do të mbahet në Shkodër më 24 shtator ora 11:00 te Qendra Rinore “Atelie” dhe i fundit në Korçë më 30 shtator në orën 12:30 në Galerinë e Arteve Digjitale.

Idetë dhe propozimet artistike duhet të bazohen në një nga historitë e: https://albaniaheritage.com/stories/

Linku i aplikimit gjendet https://albaniaheritage.com/grants/. Afati i aplikimit është 15 Tetor 2025.

Për informacione të tjera na kontaktoni në info@dmoalbania.al.

The post Heritage is our brand – Sesion informues në Tiranë mbi skemën e granteve appeared first on Destination Management Organization.

Sesioni i parë informues do të zhvillohet në Tiranë më 18 shtator 2025, ora 11:00 te Libraria Times.

Ky sesion synon të informojë artistë të rinj, krijues kulture, profesionistë të trashëgimisë, mësues, historianë, kuratorë, menaxherë kulturorë dhe organizata të shoqërisë civile mbi mundësitë që ofron thirrja për propozime e kësaj skeme.

Pjesëmarrësit do të njihen me thirrjen për propozime të skemës së granteve të vogla, kriteret e pranueshmërisë, procesin e dorëzimit të aplikimeve, vlerësimin si dhe informacion të përgjithshëm mbi projektin.

Skema e granteve të vogla do të financojë 15 nisma kreative, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Idetë dhe propozimet tuaja artistike duhet të bazohen në një nga këto histori Stories – Albania Heritage

Linku i aplikimit gjendet https://albaniaheritage.com/grants/. Afati i aplikimit është 15 Tetor 2025

Ejani të njiheni me thirrjen për skemën e granteve! Më poshtë keni agjendën e sesionit të parë informues që zhvillohet në Tiranë.

Ftesë + Agjendë_Tirana

The post Sesioni i parë informues në Tiranë mbi skemën e granteve të projektit “Heritage is Our Brand” appeared first on Destination Management Organization.

Pyetësori synon të mbledhë informacion rreth njohurive të të rinjve mbi trashëgiminë kulturore jomateriale, duke përfshirë traditat, këngët, vallet, ritualet, dhe veçoritë e tjera kulturore që përbëjnë identitetin kombëtar shqiptar.

Përmes pyetjeve të ndryshme, të rinjtë e moshës 16-33 vjeç pyeten mbi perceptimin e trashëgimisë kulturore, pjesëmarrjen në aktivitete lokale dhe shkollore, si dhe burimet e informacionit që përdorin për të mësuar më shumë për këtë trashëgimi. Gjithashtu edhe për rolin e institucioneve, familjes, shkollës dhe mediave në edukimin dhe angazhimin e të rinjve për trashëgiminë kulturore.

Këto të dhëna do të shërbejnë për të hartuar strategji dhe politika më efektive që do të mundësojnë një angazhim më të madh të të rinjve në mbrojtjen dhe zhvillimin e trashëgimisë kulturore jomateriale në Shqipëri, duke siguruar që kjo pasuri të ruhet dhe të përcillet për brezat e ardhshëm.

Ky projekt është një hap i rëndësishëm drejt ruajtjes dhe promovimit të traditave shqiptare, duke përfshirë të rinjtë në proceset e krijimit dhe përcjelljes së kulturës dhe identitetit kombëtar.

Plotësoni pyetësorin në këtë link: https://shorturl.at/5cW8V

The post Pyetësor: Sa e njihni trashëgiminë jo materiale shqiptare? appeared first on Destination Management Organization.

Ky shqetësim u evidentua gjatë tryezës së çeljes së projektit “Heritage is our Brand”, (Trashëgimia është marka jonë)  që po zbatohet nga DMO Albania në bashkëpunim me EUPolicyHub, dhe financim të Bashkimit Europian.

Në këtë takim ishin të pranishëm  kreu i Seksionit të zhvillimit të qëndrueshëm ekonomik dhe zhvillimit social i Delegacionit të BE në Tiranë, Andrea Ferrero, nënkryetari i Akademisë së Shkencave Vasil Tole, drejtoresha e Politikave për trashëgiminë kulturore në Ministrinë e Ekonomisë, Kulturës dhe Inovacionit Znj. Benida Kraja, drejtues të Muzeumeve në Tiranë, ekspertë nga fusha të ndryshme të kulturës, antropologë, muzikologë, artistë, përfaqësues nga shoqata të artit. Pasi u ndanë shumë mendime rreth kësaj teme, gjithë palët në tryezë ranë dakord të vendosin ura bashkëpunimi jo vetëm për zbatimin me sukses të projektit por dhe për të ndikuar dhe lobuar në zgjidhjen e problematikave tek vendimmarrësit.  

Në fjalën e tij zoti Andrea Ferrero, kreu i Seksionit të zhvillimit të qëndrueshëm ekonomik dhe zhvillimit social i Delegacionit të BE në Tiranë, e vuri theksin te rëndësia që ka trashëgimia dhe vlerat e identitetit kombëtar në integrimin europian. Nën moton të bashkuar në diversitet ai theksoi se së shpejti edhe Shqipëria do t’i bashkohet bllokut 27-vendësh.

“Është me shumë rëndësi që ju të integroheni me vlerat dhe identitetin tuaj kombëtar në BE, zakonet, traditat, historinë, sepse Europa është e tillë; e bashkuar në diversitet. Është një bllok me 27 vende dhe shpresojmë së shpejti të bëhemi 29. Trashëgimia shpirtërore është pjesë e rëndësishme dhe do të jetë me interes të shohim se si fëmijët dhe të rinjtë do të mendojnë për të dhe se çfarë do të thotë të jesh shqiptar dhe atë që përbën kulturën shqiptare,” theksoi zoti Andrea Ferrero.

Nënkryetari i Akademisë së Shkencave Vasil Tole evidentoi se çelësi i përçimit të trashëgimisë kulturore tek të rinjtë është përmes edukimit. Ai propozon që trashëgimia kulturore të përfshihet në kurrikulat shkollore dhe rendit disa çështje që kërkojnë zgjidhje të shpejtë si: “hartimi dhe mirëpërcaktimi i parimeve të strategjisë dhe të politikave shtetërore në fushën e trashëgimisë kulturore jo materiale; identifikimi i trashëgimisë kulturore shpirtërore përmes një shenjimi të veçantë të tipit të emblemës etj; ripërkufizimi i kuptimit të trashëgimisë kulturore shpirtërore dhe i vlerave përbërëse të saj”.  

Drejtoresha e Politikave për trashëgiminë kulturore në Ministrinë e Ekonomisë, Kulturës dhe Inovacionit Znj. Benida Kraja, shprehu gatishmërinë e Ministrisë për të qenë pjesë e këtij projekti dhe kërkoi përfshirjen e institucioneve, universiteteve dhe artistëve. Ajo premtoi një bashkëpunim të ndërsjellë gjatë zbatimit të projektit për të ndarë rezultatet e sondazhit që do bëhet me të rinjtë dhe gjithë produktet artistike që do krijohen.

Pedagogu i arteve Ardian Isufi në fjalën e tij theksoi se çelësi që ky projekt të jetë i suksesshëm është që të rinjtë të shihen si partnerë. Ai kërkoi nga politika që të ketë vizion dhe të ecë me hapin e kohës duke përshtatur teknologjinë me informacionin.

Drejtori i komanduar i Muzeut Historik Kombëtar Melsi Labi është më konkret kur thotë që edukimi me trashëgiminë kulturore duhet të fillojë që në gjenezë, që në fillore. Ai kërkoi nga BE që të shohë dhe dnërthure politikat arsimore me kurikula të sakta. 

Ekspertë të tjerë të pranishëm në tryezë ndanë mendimin se ruajtja e trashëgimisë materiale e cila është e lidhur pashmangshmërisht me atë jo materiale, sie dhe plotësimi i teksteve shkollore janë gurthemeli për përcjelljen e pasurisë tonë shpirtërore ndër breza.

Drejtoresha e DMO Albania, Eva Kushova shpjegoi hapat që do të ndiqen për zabtimin e projektit deri në përmbyllje të tij. Sipas saj puna për projektin “Heritage is our Brand” do të nisë me një sondazh me të rinjtë për të kuptuar se sa dinë aktualisht ata për trashëgiminë jomateriale.

“Më tej do bëhet një studim i thelluar, në bashkëpunim me Akademinë e Shkencave, për të evidentuar 20 -30 histori të trashëgimisë tonë shpirtërore, të cilat më pas, përmes një thirrjeje për grante për artistët shqiptarë, do të kthehen në produkte artistike të ndryshme, dokumentarë, animime, instalacione, ekspozita vizuale etj” , shpjegoi Kushova.

Gjithë historitë, produktet artistike, materiale audio dhe video, broshurat dhe studimet e projektit do të përfshihen në platformën online Albania-Heritage.com, e cila do shërbejë si material studimor dhe informues për të gjithë grupmoshat, për artistët por dhe për turistët. 

Viti i dytë i projektit ka të bëjë me edukimin e të rinjve. Do të ketë një forum me mësuesit e Historisë dhe Letërsisë nga e gjithë Shqipëria, për t’ua prezantuar këto produkte dhe histori, në mënyrë që ata ti përfshijnë gjatë procesit të mësimdhënies. Më pas, do të ketë një konkurs për nxënësit që do të sjellin krijimet e tyre të bazuara në këto histori dhe produkte të këtij projekti.

The post Heritage is Our Brand appeared first on Destination Management Organization.

DMO Albania (Organizatë për menaxhimin dhe marketimin e destinacioneve), në bashkëpunim me organizatën “Forumi për Politikat e Integrimit”, po realizon projektin e financuar nga Bashkimi Europian të titulluar: “Heritage is our brand”.

Projekti ka nisur në Janar 2025 dhe do të zgjasë dy vjet, deri në Janar 2027.

Ky projekt ka qëllim të ndërgjegjësojë dhe angazhojë të rinjtë shqiptarë në ruajtjen dhe promovimin e trashëgimisë shpirtërore.

Projekti do të nisë me një studim shkencor, në bashkëpunim me Akademinë e Shkencave, për të evidentuar 20 -30 histori të trashëgimisë tonë shpirtërore, të cilat më pas, përmes një thirrjeje për grante për artistët shqiptarë, do të kthehen në produkte artistike të ndryshme, dokumentarë, animime, instalacione, ekspozita vizuale etj.

Gjithë historitë, produktet artistike, materiale audio dhe video, broshurat dhe studimet e projektit do të përfshihen në platformën online Albania-Heritage.com, e cila do shërbejë si material studimor dhe informues për të gjithë grupmoshat, për artistët por dhe për turistët. 

Viti i dytë i projektit ka të bëjë me edukimin e të rinjve. Do të ketë një forum me mësuesit e Historisë dhe Letërsisë nga e gjithë Shqipëria, për t’ua prezantuar këto produkte dhe histori, në mënyrë që ata ti përfshijnë gjatë  procesit të mësimëdhenies.

Më pas, do të ketë një konkurs për nxënësit që do të sjellin krijimet e tyre të bazuara në këto histori dhe produkte të këtij projekti.

Më shumë informacion rreth projektit, DMO Albania gjeni në faqen www.dmoalbania.al.  

The post Njoftim për mediat appeared first on Destination Management Organization.

Mes modernizimit të shpejtë, traditat, zakonet dhe monumentet që përfaqësojnë identitetin tonë kombëtar rrezikojnë të harrohen.

Në këtë kuadër projekti i DMO Albania në bashkëpunim me EU Hub Policy dhe me financim nga Bashkimi Europian, synon që përmes teknologjisë dhe digjitalizimit të promovojë dhe të mbajë gjallë trashëgiminë tonë jo materiale.

Më datën 6 mars prezantohet edhe projekti “Heritage is our brand”, “Trashëgimia është marka jonë”, i cili do t’ju japë mundësinë për t’u njohur më shumë mbi rëndësinë e trashëgimisë sonë kulturore.

Projekti do të nisë me një studim shkencor, në bashkëpunim me Akademinë e Shkencave, për të evidentuar 20 -30 histori të trashëgimisë tonë shpirtërore, të cilat më pas, përmes një thirrjeje për grante per artistët, do të kthehen në produkte artistike të ndryshme, dokumentarë, animime, instalacione, ekspozita visuale etj.

Viti i dytë i projektit ka të bëjë me edukimin. Do të ketë një forum me mësuesit e Historisë dhe Letërsisë për t’ua prezantuar gjithë këto produkte dhe histori, dhe më pas do të ketë një konkurs për nxënësit që të sjellin krijimet e tyre të bazuara në këto histori.

Projekti do të lancohet më 6 mars, ora 10:00, në Hotel Tirana International, salla “Blue Room”.

Projekti ka nisur në Janar 2025 dhe do të zgjasë dy vjet, deri në Janar 2027. Ky projekt ka qëllim të angazhojë të rinjtë shqiptarë në ruajtjen dhe promovimin e trashëgimisë shpirtërore përmes tregimit të historive.

Trashëgimia jomateriale, e cila përfshin traditat, ritualet, gjuhët dhe shfaqjet, mbështetet në mënyrë unike nga pjesëmarrja aktive e komuniteteve. Kjo formë e trashëgimisë ofron potencial të konsiderueshëm arsimor, duke angazhuar si qytetarët ashtu edhe brezin e ri në trashëgiminë e gjallë të kulturës së tyre.

Më poshtë agjenda e aktivitetit për hapjen e projektit:

Prezantimi i projektit: “Trashëgimia është marka jonë”.

E enjte, 6 Mars 2025 (10.00-12.30)

Vendi: Hotel Tirana, “Blue Room”

Moderatore: Elsa Demo

9.50-10.00 – Mirëseardhja e pjesëmarrësve

10.00-10.10 – Përshëndetje dhe prezantim

10.10- 10.20  – Trashëgimia Shqiptare dhe Integrimi në BE

Z. Andrea Ferrero, Drejtues i Qendrës Ekonomike dhe Sociale Seksioni i Zhvillimit, Delegacioni i BE-së në Shqipëri

10.20-10.30 – Rëndësia e Trashëgimisë Jomateriale për brezat

Vasil Tole, nënkryetar i Akademisë së Shkencave të Shqipërisë

10.30-10.40 – Prezantimi i Projektit “Trashëgimia është marka jonë”.

Eva Kushova, Drejtore e DMO Albania

10.40- 10.45 – Regjistri Shqiptar i Trashëgimisë Jomateriale

MEKI- Ministria e Ekonomisë, Kulturës dhe Inovacionit

10.45-11.30 – Tour De Table dhe Diskutim (Institucione, Universitete)

11.30-11.40 – Cilat janë aktivitetet e mëtejshme? Thirrje për grante

DMO Albania dhe Qendra e Politikave të BE-së.

11.40- 12.30 Kafe

The post Lancimi i projektit “Heritage is our brand” më 6 mars 2025 appeared first on Destination Management Organization.

The post Tryeza e dyte për DMO në Qarkun Berat appeared first on Destination Management Organization.

The post Çfarë përfiton komuniteti nga turizmi? appeared first on Destination Management Organization.