The post Ceremonia e Cmimeve – fituesit e granteve të projektit Heritage is our Brand appeared first on Destination Management Organization.

Libri përfshin tregime nga mitologjia, antikiteti, mesjeta dhe periudha moderne, si dhe rituale dhe tradita të pasura kulturore. Mes historive të shumta dhe unike janë Mbretëresha e Deteve Teuta, Mbreti Gent dhe lulja çudibërëse, vera ilire Baliska, rruga historike Via Egnatia dhe Maximus, si dhe tregime mbi mbijetesën e shqiptarëve si Legjenda e Grykës së Vajës, apo rituale si Beja mbi Gur dhe Udha e Krushqve.

Çdo histori shoqërohet me kontekstin historik dhe mesazhet e saj në ditët e sotme, duke i bërë këto vlera të shqiptarëve më të prekshme dhe më të kuptueshme për brezat e rinj.

Botimi është i përgatitur në dy gjuhë dhe synon të ruajë dhe promovojë identitetin kulturor shqiptar.

Ky projekt u realizua nga Prof. asoc. dr. Marenglen KASMI Prof. asoc. dr. Belisa MUKA Prof. asoc. dr. Andi PINARI, duke sjellë një kontribut të rëndësishëm në dokumentimin dhe promovimin e trashëgimisë jomateriale shqiptare.

Ai u prezantua gjatë një tryeze me titull: “Fuqia e tregimtarisë në trashëgiminë jomateriale”, ku ishin të pranishëm; përfaqësuesi i Delegacionit të BE në Shqipëri, z. Andrea Ferrero, zv. ministrja e Turizmit, Kulturës dhe Sportit, znj. Lira Pipa, etnografja e njohur Afërdita Onuzi, Elenita Roshi, Drejtore e Muzeut Historik Kombëtar dhe ekspertë e grupe të ndryshme interesi.

Këto histori frymëzuan edhe qindra artistë nga e gjithë Shqipëria, të cilët sollën idetë e tyre për prodhime artistike, nga të cilat u përzgjodhën 15 prej tyre.

The post Botimi i “Heritage is Our Brand” sjell 40 histori unike të trashëgimisë sonë kulturore appeared first on Destination Management Organization.

Ky projekt njëvjeçar synon të ruajë trashëgiminë kulturore të Tiranës përmes krijimit të një arkive digjitale të hapur për publikun, si dhe të nxisë zhvillimin ekonomik lokal nëpërmjet turizmit të qëndrueshëm.

Duke përdorur teknologji bashkëkohore, pamje me dron, Google Maps dhe video rrëfimesh, projekti do të dokumentojë muret e lashta, rrënojat dhe shtresat historike të Tiranës, nga lashtësia deri në ditët e sotme. Të gjitha materialet do të publikohen në portalin Visit Tirana, duke u mundësuar qytetarëve dhe vizitorëve të rizbulojnë rrënjët e trashëgimisë së qytetit.

Përveç dokumentimit digjital, projekti do të krijojë pesë itinerare tematike nëpër zonat me trashëgimi, duke përfshirë banorët dhe bizneset lokale. Këto rrugë do të promovojnë turizmin, do të ruajnë traditat dhe do të sjellin përfitime të drejtpërdrejta për komunitetin. Të paktën 10 biznese lokale do të përfshihen drejtpërdrejt në zhvillimin e produkteve dhe eksperiencave të reja turistike.

Pse “Tirana Heritage Roots”?

Tirana po ndryshon me shpejtësi, dhe bashkë me këto ndryshime po humbin shumë gjurmë të së kaluarës.
Ky projekt lindi nga nevoja për të vepruar, sepse:

• Vilat e vjetra dhe gjurmët antike po zhduken.

• Muzeu Historik Kombëtar, Mozaiku i Tiranës dhe Galeria Kombëtare e Arteve janë aktualisht të mbyllura.

• Nuk ka promovim zyrtar të trashëgimisë së lashtë të Tiranës.

• Vizitorët nuk kanë shumë alternativa përtej qendrës së qytetit.

• Qytetarët po humbin lidhjen me kujtesën historike të qytetit të tyre.

Çfarë do të sjellë projekti

• Kërkim, hartëzim dhe dokumentim të siteve të trashëgimisë.

• Krijimin e një Arkive Digjitale të Trashëgimisë për Tiranën.

• Pesë itinerare turistike përfshirëse, të bashkëkrijuara me komunitetet lokale.

• Prodhimin e materialeve digjitale cilësore (video me dron, ture 360°, fotografi dhe audio rrëfime) që do të publikohen në Visit Tirana.

• Përfshirjen e të paktën 10 bizneseve lokale në zhvillimin e produkteve turistike.

• Organizimin e një tryeze të rrumbullakët me operatorë turistikë dhe institucione publike.

• Hartimin e një policy brief me rekomandime konkrete për ruajtjen e trashëgimisë kulturore dhe integrimin e saj në turizmin e qëndrueshëm.

• Një fushatë komunikimi dhe ndërgjegjësimi me publikime të vazhdueshme në rrjetet sociale të Visit Tirana dhe DMO Albania.

Përmes Tirana Heritage Roots, DMO Albania synon të rrisë ndërgjegjësimin, të frymëzojë krenari dhe të nxisë veprim për mbrojtjen e trashëgimisë unike të Tiranës. Ne do të advokojmë pranë autoriteteve lokale për më shumë investime në ruajtjen e trashëgimisë kulturore dhe do të bashkëpunojmë me operatorë dhe guida turistike për përfshirjen e këtyre itinerareve të reja në ofertat e tyre turistike.

The post Tirana Heritage Roots – Një projekt i ri nga DMO Albania appeared first on Destination Management Organization.

Ky ishte titulli i tryezës së diskutimit të zhvilluar në Hotel Tirana International, në kuadër të projektit “Heritage is Our Brand”, zbatuar nga organizata DMO Albania në partneritet me EU Policy Hub dhe financuar nga Bashkimi Europian.

Ky projekt dyvjeçar ka synim të rrisë ndërgjegjen kombëtare dhe të edukojë kryesisht brezat e rinj me ruajtjen e trashëgimisë jomateriale ose shpirtërore të përcjellë në breza.

Në tryezë u prezantua botimi me 40 histori unike të projektit të cilat tregojnë për vlerat e karakterit dhe jetës së shqiptarëve në shekuj.

E pranishme në këtë event ishte zv. ministrja e Turizmit, Kulturës dhe Sportit, znj. Lira Pipa, e cila duke përshëndetur projektin dhe punen e bërë deri më sot, siguroi që këto histori mund të përfshihen ne përmirësimin e narratives në sitet arkeologjike të lidhura me to. Ajo theksoi se storytelling, tregtimtaria është shumë e rëndësishme për turizmin kulturor. Znj Pipa shtoi se një ndihmë e madhe për trashëgiminë jomateriale është dhe krijimi i fondacionit për artizanatin, i cili do të certifikojë produktet shqiptarëve të artizanëve tanë, në mënyrë që turistët të marrin një suvenir Made in Albania si dhuratë kur të largohen që këtej. Ajo mbështeti idenë për certifikimin e historisë që tregohet për turistët, vendosjen e audioguidave me histori të certifikuar, ngritjen e grupeve të punës edhe për të kontrolluar tregtimarinë në zona apo vende që presin shumë turistë.

I pranishëm në tryezë ishte dhe përfaqësuesi i Delegacionit të BE në Shqipëri, z. Andrea Ferrero, i cili mbështeti punën e projektit, dhe rëndësinë e trashëgimisë shpirtërore dhe tregtimtarisë që përcillet në breza.

Më tej u prezantuan arritjet e projektit deri tani dhe hapat vitin që vjen, që kanë të bëjnë me përfshirjen e ketyre gjetjeve të projektit në edukimin e të rinjve.

E ftuar ishte një nga etnografet më të njohura në vend Afërdita Onuzi e cila rreshtoi fondin e madh të trashëgimisë shpirtërore në Institutin e Antropologjisë, mijëra faqe me përralla, legjenda, histori të cilat presin të shfletohen, dixhitalizohen, promovohen. Ajo tha se 1% e këtij fondi njihet nga publiku, dhe nevojitet sa më pare një Muze Etnografik i Shqipërisë, por dhe i Tiranës.

Elenita Roshi, Drejtore e Muzeut Historik Kombëtar foli për narrativën në Muzeume, pse është i rëndësishëm komunikimi muzeal me publikun dhe fëmijët. Ajo foli për risitë në projektin e rikonstruktimit të Muzeut Historik Kombëtar, dhe për sfidat aktuale në muzeologjinë shqiptare, vecanërisht për gjendjen e mjerë ku ndodhen sot muzeumet në gjithë vendin dhe nevojën urgjente për përmirësimin e narratives në muzeumet aktuale.

Botimi Heritage is Our Brand

Tryeza e sotshme përmbylli një pjesë të këtij projekti që ka të bëjë tregimtarinë në trashëgiminë jomateriale. Një studim unik nga një grup eskspertësh shqiptarë historianë dhe arkeologë solli në një formë të patreguar më parë 40 histori të trashëgimisë tonë shpirtërore, duke nisur që nga mitologjia, antikiteti, mesjeta, periudha moderne si dhe rituale dhe tradita. Histori që nga Mbretëresha e Deteve, Teuta, te mbreti Gent dhe lulja çudibërëse, vera ilire Baliska, Via Egnatia dhe Maximus, histori të tilla të mbijetesës së shqiptareve si Legjenda e Grykës së vajës, apo rituale si Beja mbi Gur, Udha e Krushqve, e shumë e shumë histori të tjera, kanë ardhur me një formë të thjeshtuar tregtimarie për gjithë brezat, në dy gjuhë. Cdo histori ka dhe kontekstin historik dhe mesazhin në ditet e sotshme, për ti bërë këto vlera të shqiptarëve në shekuj më aktuale dhe për t‘ i ruajtur sot e kësaj dite.

Ky botim u përgatit nga ekspertët: Marenglen Kasmi, Belisa Muka dhe Andi Pinari.

Grantet- kthimi i historive në produkte artistike

Këto 40 histori me një metodologji të rrallë, janë hedhur dhe në platformën albaniaheritage.com, për t‘u lexuar nga të gjithë. Dhe jo vetëm kaq. Bazuar në këto 40 histori u thirrën projekt propozime për grante nga projekti. Nga 238 aplikime, krijimtari e jashtëzakonshme në shumë zhanre, dokumentarë, instalacione, filma të animuar, e shumë ide të tjera, do të përzgjidhen vetëm 15 fitues. Këto produkte artistike që do i shtohen së shpejti skenës dhe aktiviteteve kulturore shqiptare, do të rrisin gjithashtu ndërgjegjësimin për historinë tone, vlerat e shqiptarëve dhe trashëgiminë tone të përcjellë në shekuj.

Edukimi

Projekti ka nisur që në janar të këtij viti fillimisht me një pyetsor për të rinjtë shqiptarë brenda vendit por dhe në diasporë, lidhur me njohuritë e tyre për trashëgiminë jomateriale, cfarë dinë, nga e kanë mësuar, cfarë kanë marrë në shkollë, në familje, a ruajnë kostume, objekte, dhe a dinë histori e legjenda për zonën e tyre. Pyetësori tregoi se shumica e të rinjve e duan vendin, duan të mësojnë më shumë, por pak mësojnë në shkolla dhe më shumë informacion për trashëgiminë shpirtërore kanë marrë në familje. Kjo është një urgjencë kombëtare që trashëgimia jonë e pasur duhet të mësohet në radhë në shkolla.

Vitin e dytë projekti ynë do ndalet pikërisht në shkolla dhe në procesin e edukimit, ku janë parashikuar forume me mësuesit e historisë, konkurse kreative me nxënësit e shkollave në gjithë vendin, fushata ndërgjegjësuese etj.

Turizmi

Pika fundore e projektit është që jo vetëm tregimtaria, 40 historitë e prodhuara, produktet artistike, instalacionet, videot, animimet e çdo produkt tjetër që do dalë nga grantet të vihet në funksion të turizmit.

Në bashkëpunim me Ministrinë e Turizmit, Kulturës dhe Sportit, shumë prej këtyre narrativave do ti shtohen siteve arkeologjike apo dhe objekteve të tjera që lidhen me këto histori. Gjithashtu në kuadër të këtij bashkëpunimi, do pasurohet regjistri i trashëgimisë jomateriale me shumë nga historitë e sjella. Historitë do t’u ofrohen dhe guidave turistike në bashkëpunim me Fakultetin e Historisë në Tiranë.  Një numër suveniresh që do të prodhohen nga projekti frymëzuar nga këto histori gjithashtu do të jenë në funksion të turistëve.

Rreth projektit më shumë: www.albaniaheritage.com

The post Fuqia e tregimtarisë në trashëgiminë jomateriale appeared first on Destination Management Organization.

Në këtë aktivitet do të marrin pjesë studiues, profesionistë të kulturës, politikbërës dhe praktikues për të reflektuar mbi rolin e Tregimtarisë në mbrojtjen dhe promovimin e trashëgimisë jomateriale të Shqipërisë. Aktiviteti do të nxjerrë në pah rezultatet e projektit, përfshirë studimin e 40 tregimeve që pasqyrojnë tradita të gjalla, rite dhe dijebërjen lokale në rajone të ndryshme të vendit.

Diskutimi do të theksojë rëndësinë e tregimtarisë si një urë midis historisë dhe shoqërisë bashkëkohore, një mjet i fuqishëm për të angazhuar të rinjtë, mësuesit, turistët dhe komunitetet lokale në kuptimin dhe vlerësimin e trashëgimisë kulturore.

Pjesëmarrësit do të eksplorojnë gjithashtu mënyrat se si këto Histori do të mund të integrohen në shprehjen artistike, në vendet arkeologjike dhe në nismat e turizmit kulturor, duke kontribuar në një qasje më të pasur, gjithëpërfshirëse dhe të qëndrueshme ndaj interpretimit dhe promovimit të trashëgimisë jomateriale.

Kjo tryezë diskutimi do të mbledhë pjesëmarrës nga Ministria e Turizmit, Kulturës dhe Sportit, Akademia e Shkencave, institucionet e kulturës, si dhe përfaqësues nga universitetet, media, artistë, organizata kulturore dhe sektori i turizmit.

Agenda. Heritage is Our Brand. Roundtable.30.10.2025

The post Fuqia e Tregimtarisë në Ruajtjen e Trashëgimisë Jomateriale appeared first on Destination Management Organization.

Thirrja për aplikimi u hap më 8 shtator 2025 dhe vijoi përmes 3 sesioneve informuese, në Tiranë më 18 shtator, në Shkodër më 24 shtator dhe përfundoi në Korçë më 30 shtator 2025.

Kjo thirrje për propozime ka patur interes shumë të lartë nga artistë dhe individë të apasionuar pas historisë, kulturës dhe trashëgimisë tonë shpirtërore.

Janë rreth 238 aplikime nga e gjithë Shqipëria, ide dhe krijime autentike që ata kanë sjellë në formë artistike, të frymëzuar nga historitë që ka prodhuar projekti ynë “Heritage is Our Brand” në platformën www.albaniaheritage.com

Por siç ju kemi informuar hap pas hapi që në hapjen e thirrjes për propozime për grantet, vetëm 15 prej gjithë këtyre krijimtarive do të financohen nga projekti.

Skema e granteve të vogla do të financojë 15 nisma kreative, secila me 4 mijë euro, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Interesi i madh për rikthim të traditave, për krijimtari artistike mbi këtë temë të shërbejë si një thirrje për autoritetet tona dhe donatorë të investojnë më shumë në kulturën dhe trashëgiminë, si elemente që na identifikojnë, na lidhin me të kaluarën dhe na udhëheqin drejt së ardhmes.

15 fituesit do të shpallen më 1 Dhjetor 2025.

The post Përfundoi aplikimi për grantet, fituesit do të shpallen më 1 Dhjetor appeared first on Destination Management Organization.

Pjesëmarrës të shumtë në këtë sesion nga ky qark u njohën në detaje me propozimet, kriteret e pranueshmërisë, procesin e aplikimit dhe vlerësimit, si edhe informacione të detajuara mbi projektin.

Skema e granteve të vogla do të financojë 15 nisma kreative, secila me 4 mijë euro, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Idetë dhe propozimet artistike duhet të bazohen në një nga këto histori Stories – Albania Heritage

Linku i aplikimit gjendet https://albaniaheritage.com/grants/. Afati i aplikimit: 15 Tetor 2025.

The post Sesioni i fundit informues mbi skemën e granteve të projektit “Heritage is Our Brand” në Korçë appeared first on Destination Management Organization.

Interesi i artistëve shkodranë, pjesëmarrës në këtë sesion ishte mjaft i lartë. Ata u njohën në detaje në lidhje me propozimet, kriteret e pranueshmërisë, procesin e aplikimit e vlerësimit, si edhe me informacione të detajuara mbi projektin.

Skema e granteve të vogla do të financojë 15 nisma kreative, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Idetë dhe propozimet artistike duhet të bazohen në një nga këto histori Stories – Albania Heritage

Linku i aplikimit gjendet https://albaniaheritage.com/grants/. Afati i aplikimit: 15 Tetor 2025.

The post Sesioni i dytë informues mbi skemën e granteve të projektit “Heritage is Our Brand” në Shkodër appeared first on Destination Management Organization.

Rreth 60 pjesëmarrës, artistë, aktorë, kuratorë, mësues, muzikantë, ekspertë të trashëgimisë kulturore dhe organizata kulturore ishin të pranishëm më 18 shtator 2025, ora 11:00 te Libraria Times në kryeqytet.

Ata u njohën nga afër me mundësitë që ofron thirrja për propozime e kësaj skeme si; kriteret e pranueshmërisë, procesin e dorëzimit të aplikimeve, vlerësimin si dhe informacion të përgjithshëm mbi projektin.

Skema e granteve të vogla do të financojë 15 nisma kreative, secila me 4 mijë euro, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Pas Tiranës sesioni i dytë informues do të mbahet në Shkodër më 24 shtator ora 11:00 te Qendra Rinore “Atelie” dhe i fundit në Korçë më 30 shtator në orën 12:30 në Galerinë e Arteve Digjitale.

Idetë dhe propozimet artistike duhet të bazohen në një nga historitë e: https://albaniaheritage.com/stories/

Linku i aplikimit gjendet https://albaniaheritage.com/grants/. Afati i aplikimit është 15 Tetor 2025.

Për informacione të tjera na kontaktoni në info@dmoalbania.al.

The post Heritage is our brand – Sesion informues në Tiranë mbi skemën e granteve appeared first on Destination Management Organization.

Sesioni i parë informues do të zhvillohet në Tiranë më 18 shtator 2025, ora 11:00 te Libraria Times.

Ky sesion synon të informojë artistë të rinj, krijues kulture, profesionistë të trashëgimisë, mësues, historianë, kuratorë, menaxherë kulturorë dhe organizata të shoqërisë civile mbi mundësitë që ofron thirrja për propozime e kësaj skeme.

Pjesëmarrësit do të njihen me thirrjen për propozime të skemës së granteve të vogla, kriteret e pranueshmërisë, procesin e dorëzimit të aplikimeve, vlerësimin si dhe informacion të përgjithshëm mbi projektin.

Skema e granteve të vogla do të financojë 15 nisma kreative, që kanë për synim ruajtjen dhe promovimin e trashëgimisë jomateriale në Shqipëri përmes metodave bashkëkohore si dokumentarë, animacione, instalime artistike dhe ekspozita vizuale.

Idetë dhe propozimet tuaja artistike duhet të bazohen në një nga këto histori Stories – Albania Heritage

Linku i aplikimit gjendet https://albaniaheritage.com/grants/. Afati i aplikimit është 15 Tetor 2025

Ejani të njiheni me thirrjen për skemën e granteve! Më poshtë keni agjendën e sesionit të parë informues që zhvillohet në Tiranë.

Ftesë + Agjendë_Tirana

The post Sesioni i parë informues në Tiranë mbi skemën e granteve të projektit “Heritage is Our Brand” appeared first on Destination Management Organization.